Estes son os 12 finalistas do concurso de tapas

A Asociación Provincial de Empresarios de Hostelería e Turismo de Lugo anunciou este mediodía os 12 finalistas da XVI edición do Concurso de Tapas de Lugo tras rematar o reconto dos votos populares. Os establecementos que avanzan de ronda son: A Paparota, Anda, O Boni, O Dotmas Bar, España, Manuel Manuel, Mesón Colón, O Castor, O Cincuenta e Seis, Paprica, Pulpería O Castelo e San Marcos Café. Durante a próxima fin de semana estes locais ofrecerán de novo a degustación dos seus suculentos bocados. Nesta ocasión será un xurado profesional o encargado de elexir o gañador, que representará a provincia en todos aqueles concursos de tapas aos que a Apehl sexa convocada.